മേടം (അശ്വതി, ഭരണി, കാർത്തിക ആദ്യഭാഗം): ആഴ്ചയുടെ തുടക്കത്തിൽ ചില പ്രതികൂല സാഹചര്യങ്ങൾ നേരിടേണ്ടിവരാം. കാര്യതടസ്സം, നഷ്ടസാധ്യത, അപകടഭീതി എന്നിവ കാണുന്നതിനാൽ പ്രത്യേകിച്ച് ഇരുചക്രവാഹന യാത്രകളിലും സംസാരത്തിലും ശ്രദ്ധ വേണം. ഞായറാഴ്ച രാവിലെ 7 മണിക്കുശേഷം കാര്യങ്ങൾ ക്രമേണ മെച്ചപ്പെടുമെങ്കിലും ഗുണദോഷ സമ്മിശ്രമായിരിക്കും. ചൊവ്വാഴ്ച രാത്രി മുതൽ അനുകൂല സമയം ആരംഭിക്കും. തൊഴിൽ, ബിസിനസ്, യാത്ര, ബന്ധങ്ങൾ എന്നിവയിൽ നേട്ടങ്ങളും പുതിയ അവസരങ്ങളും പ്രതീക്ഷിക്കാം.

ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): ഞായറാഴ്ച രാവിലെ വരെ അനുകൂലമായ സമയം. ആരോഗ്യം, യാത്ര, ചർച്ചകൾ എന്നിവയിൽ നേട്ടമുണ്ടാകും. പിന്നീട് ചില തിരിച്ചടികൾ, നഷ്ടസാധ്യത, നിരാശ എന്നിവ അനുഭവപ്പെടാം. ചൊവ്വാഴ്ച രാത്രിക്കുശേഷം ഗുണദോഷ സമ്മിശ്ര ഫലങ്ങൾ ലഭിക്കും. വെള്ളിയാഴ്ച മുതൽ വീണ്ടും അനുകൂല സമയം ആരംഭിച്ച് തൊഴിൽരംഗത്തും യാത്രകളിലും അംഗീകാരവും വിജയവും കൈവരും.

മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): ചൊവ്വാഴ്ച രാത്രി വരെ വിജയവും അംഗീകാരവും നിറഞ്ഞ ദിവസങ്ങളാണ്. പരീക്ഷ, പഠനം, പുതിയ കോഴ്സുകൾ, സുഹൃത്തുക്കളുമായുള്ള കൂടിക്കാഴ്ചകൾ എന്നിവയിൽ നേട്ടം ലഭിക്കും. തുടർന്ന് കാര്യങ്ങളിൽ തടസ്സങ്ങളും അപകടസാധ്യതയും ശ്രദ്ധിക്കണം. വെള്ളിയാഴ്ച മുതൽ കാര്യങ്ങൾ ഭാഗികമായി അനുകൂലമാകുമെങ്കിലും ആരോഗ്യകാര്യങ്ങളിൽ ജാഗ്രത ആവശ്യമാണ്.

കർക്കടകം (പുണർതം അവസാന കാൽഭാഗം, പൂയം, ആയില്യം): ആഴ്ചയുടെ തുടക്കത്തിൽ ആരോഗ്യപരമായും യാത്രകളിലും ചില ബുദ്ധിമുട്ടുകൾ ഉണ്ടാകാം. ഞായറാഴ്ച രാവിലെ കഴിഞ്ഞാൽ അനുകൂല സമയം ആരംഭിക്കും. ജോലികൾ വിജയിക്കുകയും പുതിയ അവസരങ്ങൾ ലഭിക്കുകയും ചെയ്യും. എന്നാൽ വെള്ളിയാഴ്ച മുതൽ വീണ്ടും പ്രതികൂല സാഹചര്യങ്ങൾ ഉണ്ടാകാൻ സാധ്യതയുള്ളതിനാൽ വാഹനയാത്രകളിൽ പ്രത്യേകം ശ്രദ്ധിക്കണം.

ചിങ്ങം (മകം, പൂരം, ഉത്രം ആദ്യകാൽഭാഗം): ചൊവ്വാഴ്ച രാത്രി വരെ കാര്യങ്ങളിൽ തടസ്സങ്ങളും അഭിപ്രായവ്യത്യാസങ്ങളും നേരിടേണ്ടിവരാം. ചില സാഹചര്യങ്ങളിൽ അവഗണിക്കപ്പെടുന്നതായി തോന്നാം. എന്നാൽ പിന്നീട് അനുകൂല സമയം ആരംഭിക്കും. യാത്ര, ചർച്ച, തൊഴിൽ, വ്യക്തിബന്ധങ്ങൾ എന്നിവയിൽ മികച്ച ഫലങ്ങൾ പ്രതീക്ഷിക്കാം.

കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): ഞായറാഴ്ച രാവിലെ വരെ മികച്ച സമയം. ആഗ്രഹിച്ച കാര്യങ്ങൾ നടക്കുകയും യാത്രകൾ വിജയിക്കുകയും ചെയ്യും. തുടർന്ന് ആരോഗ്യവും മാനസിക സമ്മർദ്ദവും ശ്രദ്ധിക്കണം. വെള്ളിയാഴ്ച മുതൽ വീണ്ടും നേട്ടങ്ങളുടെ കാലഘട്ടം. മത്സരങ്ങൾ, നിയമകാര്യങ്ങൾ, ഔദ്യോഗിക തീരുമാനങ്ങൾ എന്നിവയിൽ അനുകൂല ഫലങ്ങൾ ലഭിക്കും.

തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): ഞായറാഴ്ച രാവിലെ വരെ അഭിപ്രായവ്യത്യാസങ്ങളും കലഹസാധ്യതയും ഉള്ളതിനാൽ സംസാരത്തിൽ നിയന്ത്രണം പാലിക്കുക. തുടർന്ന് തൊഴിൽ, സാമ്പത്തികം, ബിസിനസ് എന്നിവയിൽ പുരോഗതി കൈവരും. കുടിശ്ശികകൾ ലഭിക്കാനും സാധ്യതയുണ്ട്. ചൊവ്വാഴ്ച രാത്രി മുതൽ വീണ്ടും ചില തടസ്സങ്ങളും മാനസിക സമ്മർദ്ദവും അനുഭവപ്പെടാം.

വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): ആഴ്ചയുടെ തുടക്കം സന്തോഷകരമാണ്. ആരോഗ്യവും യാത്രയും ജോലികളും അനുകൂലമാകും. ഞായറാഴ്ചയ്ക്ക് ശേഷം ചില പ്രതികൂല സാഹചര്യങ്ങൾ വന്നേക്കാം. എന്നാൽ ചൊവ്വാഴ്ച രാത്രി മുതൽ വീണ്ടും മികച്ച സമയം. അംഗീകാരവും സ്ഥാനലാഭവും ലഭിക്കാം. വെള്ളിയാഴ്ച മുതൽ വീണ്ടും ജാഗ്രത ആവശ്യമാണ്.

ധനു (മൂലം, പൂരാടം, ഉത്രാടം ആദ്യ കാൽഭാഗം): ആഴ്ചയുടെ തുടക്കത്തിൽ ചെലവുകളും മാനസിക സമ്മർദ്ദവും വർധിച്ചേക്കാം. ഞായറാഴ്ച രാവിലെ കഴിഞ്ഞാൽ സാമ്പത്തിക നേട്ടവും ആരോഗ്യമും മെച്ചപ്പെടും. ചൊവ്വാഴ്ച രാത്രി മുതൽ വാഗ്വാദങ്ങളും നഷ്ടസാധ്യതയും കാണുന്നതിനാൽ വാക്കുകളിൽ സൂക്ഷ്മത വേണം. വെള്ളിയാഴ്ച മുതൽ വീണ്ടും കാര്യവിജയവും യാത്രാനേട്ടവും പ്രതീക്ഷിക്കാം.

മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): ഞായറാഴ്ച രാവിലെ വരെ സന്തോഷകരമായ സമയം. പിന്നീട് ചെലവുകളും ജോലികളിലെ തടസ്സങ്ങളും വർധിക്കാം. ബിസിനസിൽ വരുമാനം കുറയാൻ സാധ്യതയുണ്ട്. ചൊവ്വാഴ്ച രാത്രി മുതൽ വീണ്ടും കാര്യങ്ങൾ അനുകൂലമാകും. ആരോഗ്യം, യാത്ര, കുടുംബസന്തോഷം എന്നിവയിൽ നേട്ടമുണ്ടാകും. വെള്ളിയാഴ്ച മുതൽ വീണ്ടും കലഹങ്ങളും നിയമപ്രശ്നങ്ങളും ശ്രദ്ധിക്കണം.

കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): ചൊവ്വാഴ്ച രാത്രി വരെ മികച്ച സമയം. നിയമകാര്യങ്ങൾ, ഔദ്യോഗിക വിഷയങ്ങൾ, യാത്രകൾ എന്നിവയിൽ വിജയം പ്രതീക്ഷിക്കാം. തുടർന്ന് ചെലവുകളും ആരോഗ്യപ്രശ്നങ്ങളും അലട്ടിയേക്കാം. വെള്ളിയാഴ്ച മുതൽ വീണ്ടും കാര്യവിജയവും ആരോഗ്യലാഭവും ലഭിക്കും.

മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): ആഴ്ചയുടെ തുടക്കത്തിൽ ആരോഗ്യവും യാത്രകളും സംബന്ധിച്ച് കൂടുതൽ ശ്രദ്ധ വേണം. ഞായറാഴ്ച രാവിലെ കഴിഞ്ഞാൽ കാര്യങ്ങൾ അനുകൂലമാകും. അംഗീകാരം, യാത്രാവിജയം, ബിസിനസിൽ പുതിയ അവസരങ്ങൾ എന്നിവ ലഭിക്കും. ബന്ധുക്കളുമായും സുഹൃത്തുക്കളുമായും സന്തോഷ നിമിഷങ്ങൾ പങ്കിടാനുള്ള അവസരങ്ങളും ഉണ്ടാകും.